laporan

BERITA KLASIS BINJAI LANGKAT

·        Program bedah Gereja di Klasis Binjai Langkat GBKP Runggun Kwala Unggas Bajem Glugur Tani

               Tergejab kel ibas ukur perpulungenta bapak Setiawan Sebayang maka pembangunan kiniteken seh kel perluna namun perlu kange ibarengi alu pembangunan rumah ibadah. Hal enda me mendorong bapak enda guna erbahan sada program arah ia nari man GBKP enda eme sitergelar Program “Bedah Gedung Gereja” Janah program enda pe I sosialisasiken ketua GBKP Klasis Jakarta Banten man kerina Ketua Klasis se GBKP enda. Janah sue arih ras Pdt Januar Jesuil Eliasta Ginting si langsung menghubungi ras erbahan surat  permohonan man Bapak Setiawan Sebayang maka enggo sue arih guna pelaksanaan pemena eme ibas Klasis Binjai Langkat.

               Guna menindaklanjuti enda ketua Klasis BInjai Langkat Pdt Januar Jesuil Eliasta Ginting Munthe STh enggo iundang berangkat ku Jakarta guna ercakap cakap ras Bapak Setiawan Sebayang ras pe Ketua Klasis Jakarta Banten eme Pdt Repelita Ginting rikut ras si epe ibaba me pt Adin Sip Bangun eme sebagai pertua I Bajem Glugur Tani enda.

               Puji Tuhan rencana  bedah gereja enda pe ilakoken ibas bulan September ras iarapken banci segera selesai. Segelah gedung gerejanta I Bajem Glugur Tani enda banci menjadi Gedung Gereja si layak untuk ipake memuliaken Tuhan sebab keradaanna sope ibedah pe cukup memprihatinken tapi adi enggo dung kari bedah gedung gereja enda maka gereja enda pe enggo permanen rikut ras I rencanaken pe ibahan pembenahen secara menyeluruh ibas gedung e. Janah rikut ras rencana enda kerina jemaatta pe mendukung arah muat bagin ibas swadaya dana guna pelaksanaan bedah gedung gereja enda.

               Janah iarapken pe sue ras rencana maka kenca enggo dung pagi pembangunan gedung gereja enda ma a ilakoken me acara peresmian Gedung simbaru bage pe alu acara KKI (Kebaktian Kebangunan Iman) ras pe pengobatan Gratis man kerina masyarakat si lit ije bagepe ceramah  ceramah siniiperluken ibas masyarakat setempat.Ibas  peresmian gedung si gereja e  maka irencanaken piga piga tim reh I Jakarta nari alu rombongen sini ibaba Ketua Klasis Jakarta Banten Pdt Reh Pelita Gingting ras Bapak Setiawan Sebayang. Ertoto pe kita kerina segelah Di bata si pedauh alang abat ibas rencana enda. 

               Jemaat Klasis  Binjai Langkat umumna bagepe Jemaat Runggun Kwala Unggas pada khususnya ngataken mbue bujur man Bapak Setyiawan Sebayang ras Teman teman si enggo nampati sura sura perpulungen enda. Tuhan simasu masu dahin simehuli sinibahan anak anakNa kerina. (Mischkel Adam Eliazer Ginsty)

·        Klasis Binjai Langkat Ngelakoken pembentyuken serayan Emeritus ibas klasisna

Persadan ibas setiap kegiaten baik kegiaten social, terlebih kegiaten gereja iperluken ibas doni enda. Maka sue arih arih ras  serayan emeritus kerina rikut pe usulen persadan si I gagasken oleh Ketua Klasis Binjai Langkat Pdt Januar Jesuil Eliasta Ginting Munthe STh, maka enggo terbentuk me persadan serayan emeritus ibas klasis Binjai Langkat. Alu rapat pertama perjumpan enda ras piga piga serayan emeritus I ai maka enggo sue arih erbahan gelar persadan enda rikut pe enggo ibakuken ad/art persadan enda si I ukuri ras ras rikut pe si enggo iserahken secara khusus guna ngukuri bahan ad/ art na guna icakapken ibas perjumpan e eme Pt em. Cukup Sinuraya ras Pdt januar Jesuil Eliasta Ginting Munthe STh maka kenca ulihna e enggo dung ras enggo ibedah ibas perjumpan e maka  alu itambahi ras ikurangi konsep si enggo ibahan maka enggo pe lit ad/art na. Janah ibas  Orientasi Bulan Agustus sienggo lewat maka ibahan me acara pengendesen dahin persadan enda man pengurus si enggo terpilih. Gelar Persadan enda eme “Persekutuan Pendeta, Pertua, Diaken Emeritus Klasis Binjai Langkat” isingkat P3DE Klasis Binjai Langkat.

               Acara I benai alu renungen siibabai Ketua Klasis Binjai Langka Pdt Januar Jesuil Eliasta Ginting Munthe STh alu palas Kata Dibata siniibuat ibas Yohanes 21: 15-17 maka kerina serayan Tuhan baik si enggo emeritus pe segelah tetap ngkelengi Tuhan bagi Dibata ngarapken Petrus ngkelengi ia alu mpermakani biri biri Tuhan. Enggo emeritus labo berarti lanai erdahin tapi enggo emeritus e berarti reh bagesna pengukurina guna ngkelengi Tuhan. Emeritus si enggo melala pengalaman pelayanen iarapken banci mereken sumbangsaran ide ide ras sidebanna man serayan silenga emeritus ibas runggun bagepe Klasis. Rikut ras si epe  arahen ketua klasis  nuriken mbelin  harapen  guna mereken masuken masuken man klasis  khususna perdalanen Visi ras Misi GBKP Klasis Binjai Langkat  bagepe tahun Peningkatan spritualitas Teologia ras mutu ibadah.

               Kenca dung kebaktian acara iterusken ku pengendesen dahin man pengurus ipimpin ketua Klasis Pdt Januar Jesuil Eliasta Ginting ras iikuti BP Klasis Binjai Langkat ras pe kenca dung acara isalami kerina perseta orienntasi ibas paksa e. Paksa enda I Klasis Binjai Langkat Emeritus Pendeta Emeritus lit  2 kalak, Pertua emeritus eme  lit 43 kalak, ras diaken emeritus eme lit  16 kalak janah jumlah kerinana eme  lit 61 kalak.

               Susunen  P3DE- BL enda enda eme :

Pelindung                        :  Ketua BP Klasis Binjai Langkat (Pdt Januar Jesuil Eliasta Ginting Munthe STh)

Penasehat                      : Pdt. Em. Matius Sembiring

Ketua                               : Pt Em. Drs.  Cukup Sinuraya

Wkl Ketua                       : Dkn Em. Nurdin Tarigan

Sekretaris                       : Pt Em. Herman Barus, SH

Wakil SEkretaris            : Pt Em. Asri Palit Ginting, BA

Bendahara                      : Pt Em. Drs. Simon Petrus Ginting, SH,SPN,M.Min,DR.HC

Janah Ilengkapi Koordinator ibas 4 Wilayah.

Pengurus enggo netapken program perjumpan kerina serayan Emeritus  Binjai Langkat enda  awal bulan oktober 2011 alu nara sumber Pdt Januar Jesuil Eliasta Ginting STH Ketua Klasis Binjai Langkat si mereken paparen kerna Serayan Emeritus ibas GBKP. Dibata simasu masu.( Pt Em Herman Barus)